रमजान ईद च्या खरीदीसाठी मुस्लिम समाज बाहेर पडू नये:- युवा कार्यकर्ते अदनान पाशा

 

रमजान ईद च्या खरीदीसाठी मुस्लिम समाजाने बाहेर पडू  नये :- युवा कार्यकर्ते अदनान पाशा

शासनाने गर्दीच्या ठिकाणी काटेकोर पणे कार्यवाही करावी 
 

जनतेनी अफवा वर लक्ष न देता लसीकरण करून घ्यावे
  

रमजान ईदचा खर्च कमी करुन गरीब,अपंग,निराधार,विधवा अशा लोकांना जास्तीत जास्त आर्थिक मदत करावी 

प्रतिनिधि :- बल्खी  आसद

मुखेड :-

राज्यातील तसेच जिल्ह्यातील कोरोना रुग्णांची संख्या वाढत आहे. त्यामुळे संचारबंदी राज्य सरकारच्या वतीने घोषित करण्यात आली आहे. दरम्यान जीवनावश्यक कामांना मुभा देण्यात आली आहे. त्यामुळे नागरिकांनी विनाकारण बाहेर फिरू नये,कोरोनाची साखळी तोडण्यासाठी शासनाच्या वतीने कडक संचारबंदी लागू केली आहे. या संचारबंदीच्या काळात सर्वांनी नियमांचे पालन करावे, जेणेकरून साखळी तोडण्यात आपल्याला यश मिळेल व पुन्हा लॉकडाऊन करण्याची वेळ येणार नाही. शासनाने संचारबंदीच्या काळात अत्यावश्यक सेवांना मुभा दिली आहे. त्या अत्यावश्यक सेवा देणाऱ्यांनी याचा गैरवापर करु नये. कोरोनापासून सुरक्षित राहण्यासाठी सर्वांनी काळजी घेणे गरजेचे आहे. 

मुस्लिम बांधवांचे सण म्हणजे ईद उल फितर हा आनंदाने साजरा करणारा सण आहे. एकमेकांमधे बंधुभावाचे नाते स्थापीत व्हावे आणि प्रेमाने आनंदाने साजरा होणारा असा हा उत्सव आहे. पण सध्या देशात कोरोना विषाणूचा प्रादुर्भाव वाढत आहे, राज्यात व नांदेड जिल्ह्यात कोरोनाह बधितांची संख्या वाढत आहे, त्यामुळे देशात लॉकडाउनचा कालावधी ही वाढत आहे, मुस्लिम समुदायाचा पवित्र रमजान महिना या लॉकडाउन मध्येच आल्याने, रमजान ईद निमित्त मुस्लिम समाजातील नागरिक मोठ्या प्रमाणात कपडे, नवीन वस्तु खरेदी करतात. त्यामुळे युवा कार्यकर्ते अदनान पाशा यांनी मुस्लिम समाजातील नागरिकांना आवाहन करत सांगितले की, सध्या महाराष्ट्रात लॉकडाउन आहे, नांदेड जिल्ह्यात व तालुक्यात कोरोना बाधितांची दिवसन दिवस संख्या वाढत आहे, त्यासाठी मुस्लिम समुदाय खरेदीसाठी कुठेही बाहेर पडुनये, रमजान ईद आपल्या घरीच साजरी करावी, मुस्लिम बांधव ईदगाह व मस्जिद नमाज अदा न करता एकत्रीत येऊ नये. एकमेकांना आलिंगन शुभेच्छा देऊ नये. शासनाने ठरून दिलेले नियमाचे पालन करावे, ईद च्या दिवशी तळागाळातील व्यक्ती देखील या सणापासुन वंचीत राहु नये म्हणुन त्याला मदत करण्यास समोर यावे. तोंडाला मास्क बांधावे, सनेटाईजर चा वापर करावा, वेळोवेळी साबणाने हात धुवावे, घरी रहावे सुरक्षित रहावे. खऱ्या अर्थाने कोरोना महामारीवर मात केल्यावर खरी ईद साजरी करावे. हजरत मुहम्मद पैगंबरांचा संदेश अखिल मानवजातीसाठी आहे. वर्ण, वंश, भाषा, गरीब, श्रीमंत, काळा-गोरा आदी प्रकारच्या भेदांना मूठमाती देऊन प्रत्येक मानवाला एका मानवाच्या रूपात संबोधित करतात. समस्त मानव जात एक आहे. अल्लाहसमोर सर्व समान आहेत. सर्वांना हवा, पाणी, प्रकाश समान आहे. मानवता हीच खरी इस्लामची जीवनपद्धती आहे. मानवांची सेवा हीच अल्लाहची सर्वश्रेष्ठ सेवा होय. असे जो मान्य करेल तो विश्‍वव्यापी मुस्लिम समुदायाचा घटक आहे; मग तो कोणत्याही जातीचा किंवा पंथाचा असो. ज्या देशात आपण जन्मलो त्या देशाच्या कल्याणाची काळजी राहिल्याखेरीज आपला मानवता धर्म परिपूर्ण होत नाही.

आपल्या मातृभूमीवर प्रेम करावे, राष्ट्राप्रमाणेच जगातील सर्व राष्ट्रांवर प्रेम, आपुलकी, मदत, मैत्री करण्याची शिकवण हजरत पैगंबरांनी दिली होती.  हजरत मुहम्मद पैगंबर म्हणतात, ‘‘आईच्या पायाशी स्वर्ग आहे. आई-वडिलांना नाराज करून कोणतेही कृत्य करू नका. मानवजातीच्या उद्धारार्थ प्रत्येक क्षण खर्ची घालणाऱ्या या उज्ज्वल व भाग्यशाली आयुष्याचा शेवट झाला व त्यांचे विचार व आचरणाची मानवजातीला नितांत गरज आहे. महम्मद पैगंबरांनीही अशा महामारीवर मात करण्यासाठी त्यांच्या काळत पण घरीच राहण्याचे सांगितले होते. मोहम्मद पैगंबरांनी शिकवण एका विशिष्ट जातीधर्मापुरती मर्यादीत नव्हती तर समस्त विश्वाचे कल्याण व्हावे असे त्यांच्या शिकवणीतुन प्रदर्शित होते.
तरी नांदेडच्या तमाम जनतेला आव्हान आहे की आपल्या मुस्लिम महिलांना घरा बाहेर खरीदी  करु न देता आपली रमजान ईद ही साधी सोप्या पद्धतीने साजरी करावी .
 

लसीकरण करून घ्यावे
 सर्वांनी लसीकरण करून घ्यावे. सर्वांनी प्रशासनाने घालून दिलेल्या नियमाचे पालन करून आरोग्य यंत्रणा व पोलीस प्रशासनास सहकार्य करावे. मागील वर्षी प्रमाणे दीर्घ लॉकडाऊनची गरज भासणार नाही यासाठी सर्वांनी काळजी घ्यावे, असा संदेश  युवा कार्यकर्ते अदनान पाशा यांनी नांदेडच्या सर्व समस्त मुस्लिम समुदायास दिले आहे.