नांदेडात आणखी १ कोरोनाबाधित रुग्ण बारड येथे आढळून आला

मुंबई येथून हॉटस्पॉट क्षेत्रातून बारड येथे आला होता।        

नांदेड:- मुंबई येथून बारडला परतलेल्या एका कुटुंबातील २२ वर्षाच्या तरुणाचा अहवाल आज पॉझिटिव्ह आल्याचे सांगण्यात आले.

हे कुटुंब मुंबईत कामासाठी गेले होते. त्यांनी बारडकडे येण्यासाठी मुंबईहुन पायी निघाले होते. त्यामध्ये महिला व लहान मुलांचा समावेश होता. मंठा येथून एक वाहन मिळाल्यानंतर हे सर्व जण दोन दिवसांपूर्वी बारडला पोहचले होते. यानंतर त्यांना क्वांरटाईन करून त्यांचे स्वॅब घेण्यात आले होते.

त्यामध्ये एक जण कोरोनाबाधित असल्याचे आढळून आले. यामुळे माहूरनंतर आता बारडमध्येही कोरोनाचा शिरकाव झाला आहे.आजपर्यंत कोरोनामुक्त असलेल्या बारडमध्ये खळबळ उडाली आहे. दरम्यान मुंबई येथून निघताना यांची कुठेही तपासणी झाली नाही असेच दिसून येते.