नांदेडला आणखी पाच पॉझिटिव्ह आढळले! मुखेडच्या 1 रुग्णचा समावेश बाधित संख्या १४३ वर

नांदेडला आणखी पाच पॉझिटिव्ह आढळले! मुखेडच्या  1 रुग्णचा समावेश बाधित संख्या १४३ वर

मुखेड / प्रतिनिधि:- बल्खी आसद
नांदेड दि.29मे : आज प्राप्त झालेल्या अहवालानुसार कोरोना संदर्भात प्रलंबित १०४ आवहाल आज शुक्रवार दि.२९ रोजी सकाळी प्राप्त झाले आसून यात ९७ अहवाल निगेटीव्ह आले आहेत तर 5 रुग्ण कोरोना बाधीत असल्याचे आढळून आले आहे. तर 2 अनिवार्य आहेत.

नवीन 5 कोरोना बाधीतांमध्ये, नांदेडच्या मेडिकल कॉलेज रुग्णालयात उपचार घेत आहेत. यामध्ये हिंगोली येथील 2 रुग्ण (पुरुष वय 38 व 35 ) रुग्णांचा समावेश आहे. तर इतर तीन मध्ये नांदेड शहरातील मित्तलनगर येथील 1 पुरुष( वय 32) लोहारगल्ली येथील 1 (पुरुष वय 28) आणि मुखेड येथील 1 रुग्ण (स्त्री वय 40) रुग्णाचा समावेश आहे.

सदर रुग्णांवर औषधोपचार सुरू असून सध्या स्थितीत त्यांची प्रकृती स्थिर आहे. आज पाच रुग्ण आढळून आल्यामुळे नांदेड जिल्ह्यातील कोरोना बाधितांचा आकडा १४३ वर गेला आहे.

जनतेने अफवांवर विश्वास ठेवू नये तसेच मनात कुठल्याही प्रकारची भिती न बाळगता अत्यावश्यक कामाशिवाय घराबाहेर पडू नये असे आवाहन नांदेडचे जिल्हा शल्य चिकित्सक डॉ. निळकंठ भोसीकर यांनी केले आहे. तसेच सर्व जनतेने आपल्या मोबाईलवर “आरोग्य सेतू ॲप” डाऊनलोड करुन घ्यावे जेणे करुन आपल्या सभोवती कोरोना बाधित रुग्ण असल्यास आपणास हे ॲप सतर्क करेल असे डॉ. भोसीकर यांनी स्पष्ट करुन प्रशासनास जनतेने सहकार्य करण्याचे आवाहन केले आहे.